27.11.2020 – 14.1.2021
Well d'Corona-Zuelen awer net erof gaange sinn, an en vue vun de Feierdeeg, sinn d'Mesuren nach verschäerft ginn, a mir hunn decidéiert erëm zou ze maachen. D'autant plus well zwee Datummen am Dezember souwisou op Feierdeeg gefall wären. Och dës Kéier si mer op BoardGameArena ausgewach, och wann de Participatiounstaux méi niddereg war wéi nach am Fréijoer.
19.11.2020
Dësen Owend gouf just ee Spill gespillt: Wingspan
. Den Alain, den Tom, d'Tanja, d'Michelle, an d'Christiane S. hunn eifreg Villercher gesammelt. Fir méi ass et wéint der Ausgangsspär keng Zäit gewiescht.
12.11.2020
Och dës Woch war den Alain "Hahn im Korb", wéi een sou seet. D'Nancy, d'Christiane S., an d'Michelle waren den Owend mat him an der Fabrik, a wéint der Ausgangsspär sinn éischter méi kuerz Saache gespillt ginn. An awer koumen insgesamt véier Spiller op den Dësch: Kingdom Builder
, Mein Traumhaus
, Kingdomino
, a Kribbeln
.
05.11.2020
Haut waren d'Frae staark an der Majoritéit. D'Nancy, d'Christiane S., d'Sandra, d'Tanja, an d'Michelle hu mam Alain mat Micropolis
ugefaang. Dono ass et mat Partyspiller weider gaang: Subtext
an Just One
mat den neie Kaarte vun der Just One: Neue Begriffe
-Erweiterung sinn op den Dësch komm.
