30.04.2021
Den Owend sinn den Alain, d'Michelle, an d'Christiane S. ënnert d'Artiste gaange mam Fresko
. Dono ass als Absacker de Copenhagen: Roll & Write
, woubäi um Enn jiddereen iwwer 12 Punkten hat.
22.04.2021
Haut ware just den Alain, d'Christiane S., an de Presi do. D'Christiane hat scho virun e puer Wochen de Lewis & Clark
wolle spillen, mee zu méi wéi 3 dauert et ze laang fir sécher virum Couvre-feu fäerdeg ze sinn. Dës Kéier huet et da geklappt, an um Enn war de Presi net nëmmen als éischten zu Fort Clatsop, mee en ass nach bal den halwe Wee bis a Kalifornien erof gefuer...
15.04.2021
Och haut hat den Yves S. den Äventyr
matbruecht; dës Kéier huet en de Ben a Christian L. mat op d'Ress geholl.
Am éischte Sall souzen den Alain, d'Christiane S., d'Michelle, an de Guy P., a si hunn eng Sankt Petersburg gespillt. Dono koum de Presi eran an et gouf mam Alain sengem Wizard Extreme enchaînéiert.
Am éischte Sall souzen den Alain, d'Christiane S., d'Michelle, an de Guy P., a si hunn eng Sankt Petersburg gespillt. Dono koum de Presi eran an et gouf mam Alain sengem Wizard Extreme enchaînéiert.
08.04.2021
Den Yves S. huet d'Peggy K. an den Andy L. op en Äventyr
-Owend am zweete Sall invitéiert.
Am éischte Sall waren den Alain, d'Tanja, de Guy P. an d'Christiane S. mam Simsala... Bumm? beschäftegt. Dunn ass et mam Tom am Las Vegas weider gaang. Zum Schluss gouf et nach eng Port Royal tëscht Alain, Christiane, a Guy.
Am éischte Sall waren den Alain, d'Tanja, de Guy P. an d'Christiane S. mam Simsala... Bumm? beschäftegt. Dunn ass et mam Tom am Las Vegas weider gaang. Zum Schluss gouf et nach eng Port Royal tëscht Alain, Christiane, a Guy.
01.04.2021
Haut den Owend waren de Rol, de Guy P., de John, d'Christiane S. an den Alain zesumme komm. Ugefaang ginn ass mam Jamaica
, wou den Alain schonn direkt am Ufank Vollgas hannerzeg gefuer ass. Zum Schluss war de Rol als éischten ukomm, mat enger Tonn Gold a sengem Lager.
Dono ass et mat 6 Nimmt! weider gaangen, a mat 2 schnelle Partien Strike als Absacker.
Dono ass et mat 6 Nimmt! weider gaangen, a mat 2 schnelle Partien Strike als Absacker.
26.03.2021
Sou laang de Couvre-Feu do ass, sinn eis "Fräi Nuechte" just nach normal Owenter wou mer ebe Freides spillen. Just den Alain, d'Christiane S., an de Presi waren do; dofir huet den Alain profitéiert fir säin neie Lost Ruins of Arnak
mat hinnen ze testen. Obwuel op der Këscht steet 30 Minutte pro Spiller, war et awer eng Affär vu gutt zwou Stonne ginn, bis dass d'Partie ofgeschloss war.
18.03.2021
Den Owend waren den Alain, d'Michelle, d'Christiane S. an de Guy P. um Rendez-vous. D'Wiel vum Spill ass op de Clank! Legacy: Acquisitions Incorporated
gefall, dat elo komplett gestickert ass an awer nach klann normal gespillt ginn. Den Alain hat awer d'Zäit fir d'Explikatiounen ënnerschat, sou dass et erëm eng zimlech Hetz ginn ass fir virum Couvre-Feu doheem ze sinn.
11.03.2021
Zum Gléck ware mer haut erëm zu e bësse méi an der Fabrik. Nieft dem Alain an dem Christiane S. waren och de Presi an de Guy P. era komm (well sech online quasi kee méi weist).
Zu 4 ass dann eng Partie Russian Railroads gespillt ginn. Obwuel d'Christiane 5 Ronne laang vir war, ass et dunn an de leschten zwou Ronne mat Vollgas iwwerholl ginn. Zum Schluss hat de Guy déi meeschte Punkten. D'Partie huet och zum richtege Moment geendegt fir mat Zäit kënnen heem ze fueren.
Zu 4 ass dann eng Partie Russian Railroads gespillt ginn. Obwuel d'Christiane 5 Ronne laang vir war, ass et dunn an de leschten zwou Ronne mat Vollgas iwwerholl ginn. Zum Schluss hat de Guy déi meeschte Punkten. D'Partie huet och zum richtege Moment geendegt fir mat Zäit kënnen heem ze fueren.
04.03.2021
Haut ware just den Alain an d'Christiane S. do, dofir goufen eng ganz Rëtsch Zweeër-Spiller probéiert. Leider war d'Gléck dem Alain net hold, well en huet all eenzel Partie verluer.
Bei Ballon Cup war et nach relativ just, mee bei Blitz und Donner koumen einfach keng gescheit Kaarten. Mosquito Show a Little Big Fish ware relativ séier ofgehandelt. Bei Lucky Numbers goufen direkt zwou Partië gespillt, an et ass souguer nach mat der Zäit fir eng Kribbeln duer gaangen.
Bei Ballon Cup war et nach relativ just, mee bei Blitz und Donner koumen einfach keng gescheit Kaarten. Mosquito Show a Little Big Fish ware relativ séier ofgehandelt. Bei Lucky Numbers goufen direkt zwou Partië gespillt, an et ass souguer nach mat der Zäit fir eng Kribbeln duer gaangen.
